MADRIDISTA.GE

Real Madrid News

ლოპეტეგიმ რამდენიმე მნიშვნელოვანი გადაწყვეტილება უნდა მიიღოს

კატეგორია: სიახლეები, ბლოგი თარიღი: 1-08-2018, 01:51
ლოპეტეგიმ რამდენიმე მნიშვნელოვანი გადაწყვეტილება უნდა მიიღოს

მადრიდის "რეალის" ახალ თავკაც ხულენ ლოპეტეგის თავის ჩამონათვალში რამდენიმე შეუსრულებელი ამოცანა აქვს. გარდა იმისა, რომ ზოგიერთ ფეხბურთელს სათამაშო დროის მიღების იმედი აქვს ან საერთოდ კლუბიდან წასვლის, ახალი სახეების გამოჩენის შანსი ისევ არის, რომლებსაც ახალი "რეალის" გამოცოცხლება შეუძლიათ...

დილემა ცენტრფორვარდის ირგვლივ

ჯერჯერობით კვლავ არ გადაწყვეტილა, სჭირდება თუ არა "რეალს" ცენტრფორვარდი, მაგრამ მწვრთნელმა კრიშტიანუ რონალდუს შემცვლელის გადმობირება რომ მოითხოვოს, კითხვა იმის თაობაზე, თუ ვინ იქნება ეს, პირველ პლანზე გადმოიწევს. გულშემატკივართა რჩეული ჰარი კეინია, მაგრამ ეს ტრანსფერი ნაკლებად სავარაუდოა. ასევე, "რეალში" თამაშზე რობერტ ლევანდოვსკიც ოცნებობს, მაგრამ ამ შემთხვევაში მადრიდელებს "ბაიერნის" შეუვალ ხელმძღვანელობასთან ექნებათ საქმე.

აზარის ტრანსფერი

ედენ აზარის ტრანსფერს რამდენიმე ფაქტორი ართულებს, უფრო ზუსტად კი ის, რომ ინგლისში სატრანსფერო ფანჯარა მალე იხურება და "ჩელსი" მის სანაცვლოდ ძალიან მაღალ თანხას ითხოვს. ეჭვგარეშეა, რომ ბელგიელი ვინგერი ფლორენტინო პერესის ფავორიტია, მაგრამ ლოპეტეგიმ ამ ტრანსფერზე გადაწყვეტილება 9 აგვისტომდე უნდა მიიღოს.

ტეო ერნანდესის "რეალ სოსიედადში" არენდა

"რეალ სოსიედადი" მადრიდის "რეალის" განაპირა მცველის გადაბირებას გეგმავს, რომელიც ჯერჯერობით გუნდთანე ერთად კვლავ ამერიკულ შეკრებაზეა, ხოლო მისი შესაძლო არენდა მწვრთნელისთვის კიდევ ერთი ამოცანა გახდება. ასეთ შემთხვევაში ლოპეტეგი მარსელოს დუბლიორად კანტერის წარმომადგენელს გამოიყენებს, ან ნაჩო ფერნანდესს დაეყრდნობა.

კოვაჩიჩს წასვლა სურს

პირველ გუნდში სათამაშო წუთები - ეს ერთადერთი რამ არის, რაც მატეო კოვაჩიჩს ამ სატრანსფერო ბაზარზე აღელვებს. "რეალს" ხორვატი ნახევარმცველის შენარჩუნება სურს. ხელმძღვანელობა კოვაჩიჩის თაობაზე მიღებულ წინადადებებს ბლოკავს. ლოპეტეგის კი შეუძლია მატეოს მდგომარეობა გააუმჯობესოს და მას სათამაშო წუთებს დაპირდეს.

მეკარეების სიტუაცია

"რეალი" დომინოს ეფექტს ელოდება, თუ "ჩელსი" ტიბო კურტუას შემცვლელს იპოვნის. ბელგიელის მადრიდულ გრანდში ტრანსფერი თითქმის გაფორმებულია და "ჩელსის" მომდევნო ნაბიჯებზეა დამოკიდებული, რადგან ლონდონელები ჯორდან პიკფორდს იდეალურ კანდიდატად მიიჩნევენ. კურტუას "რეალში" გადაბარგება საფრთხეს უქმნის არამარტო კეილორ ნავასის, არამედ კიკო კასილიას და ანდრეი ლუნინის მდგომარეობას. ეს ყველაფერი კი ლოპეტეგიმ უნდა მოაგვაროს.

რაულ დე ტომასი და ბორხა მაიორალი

ორივე ფორვარდი ძალიან ნიჭიერია, მაგრამ სასურველ შედეგს ვერ აჩვენებენ, როცა საქმე ჩემპიონთა ლიგას ეხება. რაულ დე ტომასი გასულ სეზონში სეგუნდაში "რაიო ვალეკანოს" ღირსებას იცავდა, ხოლო ბორხა მაიორალი ზინედინ ზიდანის ხელმძღვანელობით პერიოდულად ჩნდებოდა მინდორზე და არცთუ ისე ცუდ შთაბეჭდილებას ტოვებდა. ლოპეტეგი მათ მომავალზე კარგად უნდა დაფიქრდეს და სწორი ნაბიჯები გადადგას, რათა მათი პოტენციალი მაქსიმალურად გამოიყენოს.

ვინისიუს ჟუნიორი და მარტინ ედეგორი

ვინისიუსმა ივლისის თვეში თავის პრეზენტაციაზე ჟურნალისტებთან საუბარში ამაყად განაცხადა, რომ პირველი გუნდის ფეხბურთელია, მაგრამ "რეალმა" ის "ხუვენილ A"-ს ფეხბურთელად დაარეგისტრირა. ჯერჯერობით უცნობია თავისი პატარა ასაკის გამო ითამაშებს თუ არა ბრაზილიელი პირველ გუნდში. იგივე სცენარია მარტინ ედეგორის შემთხვევაშიც. ვინისიუსი და მარტინი გუნდში უნომროდ არიან. ორივე მათგანი ისეთ ასაკშია, რომ მათზე განსაკუთრებულად უნდა იმუშავონ, რათა მათი უდიდესი პოტენციალი არ დაიკარგოს.

კანტერა

ამჟამად, აშშ-ში ლოპეტეგის განკარგულებაში "რეალის" აკადემიის 9 ფეხბურთელია და მთავარი მწვრთნელი გადაწყვეტს, რომელი მათგანია პირველ გუნდთან ყველაზე ახლოს.

"რეალმა" ვინისიუსი "ხუვენილ A"-ს ფეხბურთელად დაარეგისტრირა

მადრიდის "რეალის" ხელმძღვანელობამ ვინისიუს ჟუნიორი "ხუვენილ A"-ს ფეხბურთელად დაარეგისტრირა......

"ჩელსის" ახალი გოლკიპერი ჰყავს. კურტუა "რეალის" მეკარეა

ლონდონის "ჩელსის" გოლკიპერ ტიბო კურტუას მადრიდის "რეალში" გადაბარგება რამდენიმე საათის ამბავია. ლონდონელებმა ბელგიელი კიპერს შემცვლელი იპოვნეს. ის "მილანის" მეკარე პეპე რეინა გახდება......

ხულენ ლოპეტეგი: 26 ფეხბურთელი და არცერთი მეგატრანსფერი

სამ დღეში მადრიდის "რეალი" აშშ-სკენ აიღებს გეზს და ახალი სეზონისთვის მზადებას იქ გაივლის. ხულენ ლოპეტეგის განკარგულებაში კი 26 ფეხბურთელია, გუნდში კი მეგატრანსფერი არ განხორციელებულა......

სამი ვარიანტი, რომელსაც ლოპეტეგი კოვაჩიჩის წასვლის შემთხვევაში განიხილავს

ხულენ ლოპეტეგიმ ახალი სეზონიდან მნიშვნელოვანი გადაწყვეტილება უნდა მიიღოს: ვინ შეასრულებს მატეო კოვაჩიჩის როლს, თუ ხორვატი გუნდს დატოვებს. ბასკი მწვრთნელი მატეოს გუნდიდან წასვლის შემთხვევაში სამ ვარიანტს განიხილავს......

"რეალი" ახალი სეზონისთვის მზადებას 16 ივლისს დაიწყებს

მადრიდის "რეალისთვის" 2018/19 წლების სეზონისთვის მზადება ხვალ, 16 ივლისიდან იწყება, როცა ხულენ ლოპეტეგი ზაფხულის არდადეგების შემდეგ შეგირდებთან ერთად პირველ ვარჯიშს ჩაატარებს......

ერთი ზიდანი "ვალდებებასზე"

ხვალიდან მადრიდის "რეალში" ახალი ეპოქა დაიწყება - კრიშტიანუ რონალდუს გარეშე და მხოლოდ ერთ ზიდანთან ერთად, ოღონდ არა ზინედინთან. ამ ეტაპზე კლუბის განვითარებაში ფრანგული დინასტია კვლავ გაგრძელდება. ყოველ შემთხვევაში, ამ ეტაპზე,...

ისკო: "მიხარია, რომ "რეალის" ახალი მწვრთნელი ლოპეტეგი იქნება"

ისკომ ხულენ ლოპეტეგის "გათეთრება" დადებითად შეაფასა......

×

ინფორმაცია

ჯგუფ სტუმარი-ის წევრებს არ აქვთ კომენტარის დატოვების უფლება.


? - ?

15.04.2019 23:00


2 - 1

06.04.2019 18:15
  გუნდი გატ გაშ
1 ბარსელონა 31 81 31 73
2 ატლეტიკო 31 45 21 62
3 რეალი 31 54 37 60
4 ხეტაფე 31 38 27 50
5 სევილია 31 51 37 49
6 ალავესი 31 32 38 45




Powered by MADRIDISTA.GE - Real Madrid News. We Are MADRIDISTAs - We Are #1. 2010-2018.