მესუთ იოზილს საქმეებიი მადრიდში იდეალურად აქვს. მან ჩინებულად გაიარა ადაპტაცია ქალაქთან და გუნდთან. გერმანელმა ნახევარმცველმა ინტერვიუ მისცა ჟურნალისტებს.

"სწრაფად გავიარე ადაპტაცია. პირველ კვირეებში საყრდენი ჩემთვის ოჯახი იყო. გუნდი და მოურინიო მეხმარებიან საკუთარი თავის პოვნაში. თავს ისე ვგრძნობ, როგორც სახლში".

მესუთი მოხარულია, რომ მსოფლიოს საუკეთესო კლუბში თამაშობს, მაგრამ მას აქვს მიზნები: "არ მომიგია "რეალთან" ერთად არცერთი ტიტული. ჩემი მიზანია – ვიყო მსოფლიოში ერთ–ერთი საუკეთესო. სწორედ ამიტომ გადმოვბარგდი "რეალში". მოურინიოს ხელმძღვანელობით მსურს პროგრესირება".

"მოურინიოს დიდ პატივს ვცემ და არამარტო მოგებული ტიტულების გამო. როცა ჯერ კიდევ "ვერდერის" ფეხბურთელი ვიყავი, ჩვენს შორის მოლაპარაკება შედგა. ტელეფონით საუბარი ნახევარ საათს გაიმართა. მან დამარწმუნა და ამიტომაც ვარ აქ".

"გახარებული ვარ, როცა ფეხბურთს ვთამაშობ. რა თქმა უნდა, ყველაზე დიდი მიზნების განხორციელება გვსურს, მაგრამ ეს მაშინ განხორციელდება, თუ ერთიანი გუნდი ვიქნებით".

ასევე იოზილი აცხადებს, რომ მისი საყვარელი ფეხბურთელი – ზინედინ ზიდანია. "ის მუდამ მაოცებდა. მისი თამაში ეფექტური, სწრაფი, გაუთვლელი, მეტოქისთვის გაუგებარი იყო... ჩემთვის ის სრულყოფილი მოთამაშე იყო".

"გერმანიის მოქალაქეობა იმიტომ მივიღე, რომ ასე მსურდა. გერმანიის სასარგებლოდ იმიტომ გავაკეთე არჩევანი, რომ ბავშვობიდან მსურდა მათ ნაკრებში თამაში. იქ ბევრი მეგობარი მყავს და თავსაც შესანიშნავად ვგრძნობ".

"მინდა დადგეს დღე, როცა გერმანიაში თავს ისე ვიგრძნობთ, როგორც ერთ ოჯახად. ყველანი ერთად ვცხოვრობთ. მრავალ თურქს გერმანული პასპორტი აქვს".


ინფორმაციის წყარო: Elmundo.es

ავტორი - Faqo Oo