კრიშტიანუ რონალდუს უფრო და უფრო მეტი გოლი გააქვს. "რეალში" ოფიციალურ მატჩებში 48 შეხვედრაში 46 გოლი აქვს გატანილი.

კრიშტიანუ რონალდუ არ ჩამორჩება ბომბარდირებს. 2010 წლის ოქტომბრის თვე, საუკეთესო გამოდგა პორტუგალიელი სუპერვარსკვლავის კარიერაში. მან 13 გოლი გაიტანა: 10 ჩემპიონატში, 1 ჩემპიონთა ლიგაზე და 2 ნაკრებში.

ყველაფერი "დეპორტივოსთან" (6:1) "სანტიაგო ბერნაბეუზე" გატანილი ორი გოლით დაიწყო. შემდეგ შესვენება ლა ლიგაში, რაც რონალდუმ გამოიყენა. პორტუგალიის ნაკრების რიგებში ორი გოლის გატანა მოახერხა: ერთი გოლი ისლანდიის, ერთიც დანიის ნაკრების კარში.

ყველაზე საინტერესო მოგვიანებით დაიწყო. "ლა როსალედაზე" გატანილმა გოლმა მნიშვნელოვანი როლი ითამაშა "მალაგასთან" გამარჯვებაში, შემდეგ იყო საგოლე ფეერია ოთხი გოლის სახით სანტანდერის "რასინგის" (6:1) წინააღმდეგ, ხოლო გუშინ ორი გოლი გაუტანა "ერკულესს".

მთლიანობაში 13 გოლი 7 შეხვედრაში.

CR7 კლუბის საუკეთესო ბომბარდირია. ლა ლიგაში მის ანგარიშზე 12 გოლია. მთლიანობაში რონალდუმ "რეალის" ოფიციალური 48 მატჩიდან 46 გოლის გატანა მოახერხა.


ინფორმაციის წყარო: Marca.com

ავტორი - Faqo Oo