კრიშტიანუ რონალდუმ მორიგი გოლები გაიტანა და "თეთრებს" გამარჯვება მოუტანა.



მადრიდის "რეალი" იძულებული გახდა მეორე ტაიმში შეხვედრა შემოეტრიალებინა. "ერკულესმა" სწრაფი გოლი გაიტანა, მაგრამ მადრიდელებმა შეხვედრის მეორე ნახევარში კრიშტიანუ რონალდუს დუბლისა და ანხელ დი მარიას გოლის წყალობით შეძლეს გამარჯვება.



მატჩი "რეალისთვის" საშინლად დაიწყო. კორტესის ჩაწოდების შემდეგ, დავიდ ტრეზეგემ თავური დარტყმით გახსნა ანგარიში. მან მადრიდელები შოკში ჩააგდო. ისინი რამდენიმე წუთის განმავლობაში ვერ აზროვნებდნენ და "ერკულესიც" განაგრძობდა შეტევებს. ნელ–ნელა "რეალი" გამოცოცხლდა და კრიშტიანუ რონალდუმ მეტოქის დაცვა საგრძნობლად შეაწუხა. 23–ე წუთზე პორტუგალიელ სუპერვარსკვლავს გოლის გატანის ჩინებული შანსი ჰქონდა, მაგრამ კალატაიუდმა იხსნა გუნდი. იგუაინის დარტყმაც უშედეგო გამოდგა.



მეორე ტაიმის დაწყებიდან შვიდი წუთი იყო გასული, როცა კალატაიუდმა რონალდუს შორიდან დარტყმული მოიგერია, მაგრამ ანხელ დი მარიას დამატებულს ვერაფერი მოუხერხა და ანგარიშიც გათანაბრდა – 1:1. ამის შემდეგ, "ერკულესი" დაცვაში გამაგრდა. "რეალი" ქმნიდა და ქმნიდა მომენტებს, მაგრამ უშედეგოდ. ჟოზე მოურინიომ გარისკა და პეპეს ნაცვლად თამაშში ქარიმ ბენზემა ჩაერთო, ხოლო სამი ხედირამ დაცვითი ფუნქციები იტვირთა.



ფრანგმა ფორვარდმა გაამართლა მწვრთნელის ნდობა. 81–ე წუთზე მან მარსელოსგან მიიღო გადაცემა, დაარტყა, მაგრამ მეკარემ უკუაგდო ბურთი, მაგრამ კრიშტიანუ რონალდუმ დამატებაზე ივაჟკაცა და ანგარიშიც 1:2 გახდა. შემდეგ მოურინიომ ალბიოლი და არბელოა შესაბამისად იოზილისა და იგუაინის ნაცვლად შემოიყვანა. "ბლანკოსმა" კონტრშეტევებზე დაიწყო თამაში. ასეც მოხდა. ბენზემამ მიიღო ბურთი, წავიდა შეტევაში, გადააწოდა ბურთი რონალდუს, რომელსაც გოლის გატანა არ გასჭირვებია. პორტუგალიელმა ლა ლიგაში მე–11 გოლი გაიტანა.















ინფორმაციის წყარო: Realmadrid.com

ავტორი - Faqo Oo