მადრიდის "რეალმა" "ვალენსიას" ფეხბურთელის, ხუან მატას შეძენის სურვილი გამოთქვა. მატა მადრიდელთა აკადემიის აღზრდილია. ამჟამად ხუანი "ღამურების" ერთ–ერთი ლიდერია.

"თეთრები" ცდილობენ წარსულში დაშვებული შეცდომები გამოასწორონ. დაიბრუნონ ფეხბურთელები, რომლებმაც დატოვეს მადრიდული გრანდი და სხვა კლუბებში წარმატებებს მიაღწიეს. ერთ–ერთი მათგანი ხუან მატა გახლავთ, რომლის შეძენითაც "რეალი" დაინტერესდა.

ჟოზე მოურინიო შეტევის გაძლიერებას გეგმავს, რადგან განვლილ სეზონში გუნდმა შემტევი ფეხბურთელების არყოფნაში ბევრი მნიშვნელოვანი ქულა გაანიავა. ეს ფეხბურთელი კი მატა გახლავთ, რომელმაც 2007 წელს დატოვა "ბლანკოსი" და კონტრაქტი "ვალენსიასთან" გააფორმა.



თუმცა, ხუანის შეძენით მხოლოდ "რეალი" არ არის დაინტერესებული. ესპანელი ფეხბურთელის თავისთან ხილვა "ბარსელონასაც" სურს. მატას "ღამურებთან" კონტრაქტი 2014 წლამდე აკავშირებს. "ვალენსიას" ხელმძღვანელთა პასუხი ცნობილია. ისინი არ გეგმავენ მატასთან განშორებას. თუმცა, ფლორენტინო პერესმა შესაძლოა მათი პრეზიდენტი ლიორენტე კარგი წინადადებით მოხიბლოს.

23 წლის მატას ფასი 25 მლნ. ევროა. თუმცა, მისი გაშვება 60 მლნ. ევრო ღირს. წლევანდელ სეზონში "ვალენსიას" რიგებში ყველა ტურნირზე მან 43 მატჩი ჩაატარა. აქედან 33 ლა ლიგაში. გაიტანა 8 გოლი და გააკეთა 13 საგოლე გადაცემა. ჩემპიონთა ლიგაზე "შალკესთან" არყოფნაში, "ღამურები" გამოეთიშნენ გათამაშებას.


ინფორმაციის წყარო: Defensacentral.com

ავტორი - Faqo Oo