მადრიდის "რეალისა" და გერმანიის ნაკრების ფეხბურთელმა მესუთ იოზილმა, კმაყოფილემა გამოთქვა თავისი პირველი მადრიდული სეზონით. მიუხედავად "ბარსელონას" ჩემპიონთა ლიგაზე გამარჯვებისა, მესუთი ოპტიმისტურადაა განწყობილი და აცხადებს, რომ მალე ისინი თანაბრად შეებრძოლებიან კატალონიელებს.

"ჩემთვის სეზონი კარგად წარიმართა, რადგან დიდი პროგრესი განვიცადე. პლუს ამას, ტიტული მოვიგეთ. მადრიდში სწორედ ტიტულების მოსაგებად გადავბარგდი".

22 წლის ფეხბურთელმა კარგი სეზონი ჩაატარა. გაიტანა 10 გოლი და პარტნიორებს 25 საგოლე გადაცემა გაუკეთა (ყველა ტურნირის ჩათვლით). მიუხედავად იმისა, რომ "რეალმა" სამეფო თასის ფინალში სძლია "ბარსელონას", იოზილი თვლის, რომ მთლიანობაში მადრიდელები დამარცხდნენ კატალონიელებთან, რადგან "სამეფო კლუბი" ჩემპიონთა ლიგაზე და ლა ლიგაშიც დამარცხდა მათთან.

რაც შეეხება ჩემპიონთა ლიგის ფინალს, იოზილი მიიჩნევს, რომ "ბარსელონა" სრულად აღემატებოდა "მანჩესტერ იუნაიტედს". თუმცა, ფეხბურთელს სჯერა, რომ მომავალ სეზონში მათ შეუძლიათ აჯობონ კატალონიელებს.

"თქვენც ნახეთ, რომ ფინალში კატალონიელები სჯობდნენ მეტოქეს. ნახევარფინალში დავმარცხდით და იმედგაცრუებულნი ვიყავით. თუმცა, ვიცით სამომავლოდ როგორი პოტენციალი გვაქვს. მალე შეგვეძლება დავჯაბნოთ "ბარსელონა".


ინფორმაციის წყარო: Goal.com

ავტორი - Faqo Oo