"ლესტერ სიტისთან" (1:2) დასრულებული ამხანაგური მატჩის შემდეგ, მადრიდის "რეალის" მთლიანი ექსპედიცია ჩინეთისკენ გაეშურა.

"რეალი" უკვე ჩინეთისკენ მიემართება. ჟოზე მოურინიოს გუნდმა მეხუთე ამხანაგური მატჩი ჩაატარა. ამჯერად დამარცხებულ იქნა "ლესტერი" (1:2), რის შემდეგაც ფეხბურთელები ავტობუსში ჩასხდნენ და აეროპორტისკენ გაეშურნენ, რათა ჩინეთის ქალაქ გუანჩჟოუში ჩაფრინდნენ. გუნდი ამ ქალაქში ხვალ, დაახლოებით შუადღით ჩაფრინდება.

მადრიდისტებს ჩინეთში მოსამზადებელი ეტაპის დასკვნითი ფაზა ეწყებათ. ისინი იქ ორ ამხანაგურ მატჩს გამართავენ. პირველი მატჩი 3 აგვისტოს, "გუანჩჟოუსთან" გაიმართება, სამი დღის შემდეგ, "სამეფო კლუბს" ქალაქი ტიანცზინი ელოდება, სადაც ადგილობრივ "ტიანცზინ ტედას" გაეჯიბრება, რომელმაც ქვეყნის ჩემპიონატში გასულ წელს მეორე ადგილი დაიკავა. ეს "რეალის" მესამე ვიზიტია ჩინეთში 2003 და 2005 წლების შემდეგ.


ინფორმაციის წყარო: Realmadrid.com

ავტორი - Faqo Oo