ფერნანდო გაგომ რადიო "Radio la Red"–თან ინტერვიუში, უკმაყოფილება გამოთქვა "ბოკა ხუნიორსში" თავისი არშემდგარი ტრანსფერის გამო.

ფერნანდო გაგო ვერ მიიღებს მონაწილეობას Torneo Apertura 2011–ში, რადგან არგენტინაში დღეს იხურება სატრანსფერო ფანჯარა და მას ვერ შეიძენენ, მიუხედავად იმისა, რომ უკვე შეყვანილი ჰყავდათ განაცხადში.

მადრიდის "რეალის" ნახევარმცველმა, "ბოკას" ხელმძღვანელობის მიმართ, უკმაყოფილება გამოთქვა:

"მე "ბოკაში" თამაში მსურდა, რადგან ეს ჩემი მეორე სახლია, მაგრამ როგორც ჩანს, მათ ვერ მოვერგე. იმაზე მეტი გავაკეთე, რათა იქ დავბრუნებულიყავი, მაგრამ მათ ვერ დაინახეს ჩემგან ამის სურვილი" – განაცხადა ფერნანდომ.

თუმცა, ფეხბურთელს არ აქვს პრეტენზიები "ბლანკოსის" მიმართ: "რეალმა" ჩემი თხოვნით შეამცირა თანხა ჩემს ტრანსფერზე".

გარდა ამისა, გაგომ განმარტა, რომ ფულს არ აქვს მისთვის გადამწყვეტი მნიშვნელობა: "ყველა ღონე ვიხმარე დასაბრუნებლად. მზად ვიყავი, ფულის დიდი ნაწილისთვის უარი მეთქვა და დაბალი ხელფასით მეთამაშა, რადგან ეს არ არის ჩემთვის მთავარი, მაგრამ მათ უფრო მეტის გაკეთება შეეძლოთ ჩემს გადასაბირებლად".


ინფორმაციის წყარო: AS.com

ავტორი - Faqo Oo