მადრიდის "რეალის" ახალწვეულმა, ნური შაჰინმა, რომელმაც თვენახევრის განმავლობაში, კლუბის რიგებში ვერცერთი მატჩის ჩატარება ვერ მოახერხა, მოედანზე ოთხშაბათს, "გალათასარაისთან" მატჩში გამოვა. თურქმა ფეხბურთელმა, ტრავმა აშშ–ს ტურნეში პირველივე დღეს მიიღო. თუმცა, ნურიმ უკვე მოირჩინა ტრავმა და დიდი შანსია, "ბერნაბეუს" თასზე ითამაშოს.

ყოველდღიური Marca-ს ცნობით, შაჰინმა სრულად მოირჩინა ტრავმა, რომელმაც ხელი შეუშალა მოსამზადებელ ეტაპზე მონაწილეობის მიღებაში. ამიტომ, "ბლანკოსის" მთავარი მწვრთნელი, ჟოზე მოურინიო მას სავარაუდოდ, "გალათასარაისთან" ოთხშაბათს გასამართ მატჩში მისცემს თამაშის საშუალებას. ყოველგვარი ეჭვების გარეშე, "სანტიაგო ბერნაბეუ" პირთამდე სავსე იქნება, რადგან ქომაგებს დიდი სურვილი აქვთ, გასული წლის ბუნდესლიგის საუკეთესო ფეხბურთელის თამაში იხილონ.

მოურინიოს ადრეც შეეძლო მისი გამოყენება, მაგრამ ლოდინი არჩია, რადგან ფეხბურთელს არ გამიზეზებოდა დაზიანება. თუმცა, ამჯერად ნურის ვერავინ შეუშლის ხელს თამაშში და იმის დამტკიცებაში, რომ ნახევარდაცვის ცენტრში ჩაბი ალონსოსთან ერთად, ძლიერი წყვილის შექმნა შეუძლია.


ინფორმაციის წყარო: Merengues.ru

ავტორი - Faqo Oo