ერერო "რეალ ოვიედოში" გადაბარგდა

მოვლენების ლოგიკური განვითარება...

ალფონსო ერერომ "კასტილია" თავისუფალი აგენტის სტატუსით დატოვა და "რეალ ოვიედოსთან" 3-წლიანი კონტრაქტი გააფორმა. შეგახსენებთ, რომ მანამდე ამ გუნდს არენდით "კასტილიას" კიდევ ერთი ფეხბურთელი, ლუკას ტორო შეუერთდა, "ოვიედოს" კი ფერნანდო იერო თავკაცობს.

ალფონსო "სამეფო კლუბის" ერთ-ერთ ყველაზე პერსპექტიულ გოლკიპერად ითვლებოდა. 2003 წელს ის კლუბის აკადემიაში მივიდა და მას შემდეგ ყველა ასაკობრივი კატეგორია გაიარა. ერერო თითოეულ მათგანში პირველ ნომრად ასპარეზობდა. მან 2013 წელს ახალგაზრდული სამეფო თასი მოიპოვა.

გასულ სეზონში ერერომ მძიმე ტრავმა მიიღო და ძირითადში ადგილი რუბენ იანიესს დაუთმო. კარლოს აბადის გუნდში მისვლის შემდეგ, ალფონსო ძირითადს საბოლოოდ ჩამოშორდა და სათადარიგოთა სკამზე დამკვიდრდა.