რეგისტრაცია შესვლა
საიტზე შესვლა
Качественные бесплатные шаблоны dle скачать с сайта
ბოლო მატჩები
» » ვარანი: "კლუბისა და გულშემატკივრების სიყვარულს ვგრძნობ"

ვარანი: "კლუბისა და გულშემატკივრების სიყვარულს ვგრძნობ"

26-07-2016, 09:58
ავტორი: Tiki Taka
ნახვა: 767
კომენტარი: 0
საბეჭდი ვერსია
ვარანი: "კლუბისა და გულშემატკივრების სიყვარულს ვგრძნობ"
მადრიდის "რეალის" ფრანგი ცენტრბექის ინტერვიუ...

"ახალი სეზონი, ახალი ნომერი და ვიმედოვნებ, უფრო განვვითარდები. დადებითად ვარ განწყობილი და განვითარება მსურს. კლუბისა და გულშემატკივრების სიყვარულს ვგრძნობ, თითქოს კანტერანო ვარ. მსოფლიოს საუკეთესო ფეხბურთელებთან ერთად ვთამაშობ. ყველაფერი მაქვს იმისათვის, რომ გავუმჯობესდე".

"უკვე ხუთი წელიწადია, რაც "რეალში" ვიმყოფები და მსურს მომდევნო სეზონი რაც შეიძლება უკეთესად ჩავატარო. ყველაფერი საუკეთესო წინ არის. საკუთარ მომავალში დარწმუნებული ვარ. აქ განვითარებას გავაგრძელებ. ცხოვრებაში გადაწყვეტილებების მიღება უნდა იცოდე. კლუბის ხელმძღვანელობას და ზიდანს ვესაუბრე. "რეალში" დარჩენა გადავწყვიტე, რადგან აქ ბედნიერი ვარ".

"რეალი"

"ვერასდროს წარმომედგინა, რომ აქ აღმოვჩნდებოდი. ეს რაღაც საოცრებაა. 18 წლიდან "რეალის" ფეხბურთელი ვარ და უკვე ორი ჩემპიონთა ლიგა მოვიგე. ეს შესანიშნავია! მოახლოვებულ სეზონში ფეხბურთისგან სიამოვნების მიღება მსურს, რადგან "სამეფო კლუბის" მაისურის ტარება უდიდესი ბედნიერებაა. ბევრს ვიმუშავებ და მოედანზე ბოლომდე დავიხარჯები".

ტრავმა

"ევროპის ჩემპიონატი და ჩემპიონთა ლიგის ფინალი გამოვტოვე. მსურს ეს ნეგატივი დავივიწყო და ყველაფერი ახალი ფურცლიდან დავიწყო. დარწმუნებული ვარ, პროგრესირებისთვის მადრიდის "რეალი" საუკეთესო კლუბია. აქ კიდევ დიდი ხნით დარჩენა მსურს".

კონკურენცია

"გუნდს კონკურენცია სჭირდება. ჩემი მიზანია საუკეთესო დონეს მივაღწიო და გავძლიერდე. ყველანი ბევრს ვმუშაობთ, ტრავმებისგან არავინაა დაზღვეული. სეზონისთვის კარგად მომზადებაა საჭირო, რათა ოპტიმალურ კონდიციებში იყო. ძალიან მძიმე ვარჯიშებია. აქ მეექვსე სეზონს ვატარებ და პირველად ხდება, როცა ვარჯიშები ასეთი რთულია".

"პსჟ"

"ძალიან ბევრს ვვარჯიშობთ. მოსამზადებელი ეტაპის ამოცანაა ახალ სეზონს ოპტიმალურ კონდიციებში შევხვდეთ. "პსჟ"-სთან მატჩი სათამაშო ტონუსს დაგვიბრუნებს და ტაქტიკაზე მუშაობის საშუალებას მოგვცემს. ეს მატჩი სეზონის დასაწყებად იდეალურია".

ბენზემა

"ის ფორმას იბრუნებს. ქარიმი ბედნიერია და მატჩების დაწყებას მოუთმენლად ელოდება".

ბალანსი

"დიახ, თამაშში ბალანსი უნდა მოვიპოვოთ. კონტრშეტევებზე ბევრს ვიმუშავებთ. ჩვენს გუნდში თავდასხმაში მცველებიც მონაწილეობენ. ართმევისას კარგი უნდა იყო და შეტევასაც ეხმარებოდე. როცა ერთ მუშტად შეკრულები ვართ, მიზანსაც ვაღწევთ".

პოგბა

"ის ჩემი მეგობარია. მას ვესაუბრე, მაგრამ ეს დიდი ხნის წინ მოხდა. არ ვიცი, რა უნდა გითხრათ. პოლი დიდებული ფეხბურთელია. შესანიშნავი გუნდი გვყავს. გადაწყვეტილებას კლუბის ხელმძღვანელობა იღებს. ამის შესახებ ვერაფერს გეტყვით".

პირობები მონრეალში

"იდეალური პირობები გვაქვს. ყველაფერია იმისათვის, რომ კარგად ვივარჯიშოთ და სეზონისთვის მოვემზადოთ. გუნდი ძალიან კარგად მუშაობს".
სტატიის რეიტინგი:
  
ძვირფასო სტუმარო, თქვენ შემოხვედით როგორც დაურეგისტრირებელი მომხარებელი. ჩვენ გირჩევთ გაიაროთ რეგისტრაცია, თუ უკვე რეგისტრირებული მომხარებელი ხართ, გთხოვთ გაიაროთ ავტორიზაცია.

ინფორმაცია

ჯგუფ სტუმარი-ის წევრებს არ აქვთ კომენტარის დატოვების უფლება.