თურქი გამთამაშებლის პასების წყალობით, კრიშტიანუ რონალდუმ 13 გოლი გაიტანა.

რონალდუსა და იოზილის დუეტი მსოფლიოში ერთ-ერთ საუკეთესოდ ითვლება. გასულ სეზონში იოზილმა რონალდუს 12 შედეგიანი გადაცემა გაუკეთა. "სარაგოსასთან" მატჩში თურქმა რონალდუს მეცამეტე შედეგიანი გადაცემა გაუკეთა. მისი გადაცემების წყალობით კრიშტიანუმ გასულ სეზონში 53 გოლს მოუყარა თავი, რაც მადრიდის "რეალის" რიგებიდან საუკეთესო მაჩვენებელია. იოზილმა რონალდუს სულ 27 საგოლე გადაცემა გაუკეთა.

იმის შემდეგ რაც იოზილი მადრიდის "რეალში" გადმოვიდა, შეუწყვეტლივ ვითარდება. გასულ სეზონში ის გახდა ევროპის საუკეთესო ასისტენტი, (26 საგოლე გადაცემა ყველა ტურნირებში). ასევე გერმანიის ნაკრების ნახევარმცველმა თავის პირველ სეზონში ყველაზე მეტი დრო დაჰყო მოედანზე. მან თავის პირველ სეზონში ასევე მოიგო, სამეფო თასი.

იოზილი ითვლება შეტევის ერთ-ერთ ლიდერად. მისი შესანიშნავი გადაცემებისა და მოედნის ძალიან კარგი ხედვის წყალობით, გუნდი დიდ წარმატებას აღწევს. ასევე ის კარგად თამაშობს დაცვაში, ეს მან "სარაგოსასთან" მატჩში დაგვიმტკიცა.

როგორც ჩანს, მსოფლიოში არ არსებობს ისეთი ადამიანი, რომელსაც იოზილის თამაში არ მოსწონს. მადრიდის "რეალის" ლეგენდამ, გუტიმაც კი ვერ დამალა მისი თამაშით აღფრთოვანება. "იოზილი მადრიდის რეალის ერთპიროვნული ლიდერია. მე მსიამოვნებს მის თამაშზე ყურება" - დაასრულა გუტიმ.


ინფორმაციის წყარო: Merengues.ru

ავტორი - Avtoshka