რეგისტრაცია შესვლა
საიტზე შესვლა
Качественные бесплатные шаблоны dle скачать с сайта
ბოლო მატჩები
» » რონალდუს "მესტალიაზე" "ვალენსიას" კარში 5 გოლი აქვს გატანილი

რონალდუს "მესტალიაზე" "ვალენსიას" კარში 5 გოლი აქვს გატანილი

22-02-2017, 17:55
ავტორი: ZZ
ნახვა: 534
კომენტარი: 0
საბეჭდი ვერსია
რონალდუს "მესტალიაზე" "ვალენსიას" კარში 5 გოლი აქვს გატანილი
კრიშტიანუ რონალდუ "მესტალიაზე" ისევ ბრუნდება. პორტუგალიელი "ვალენსიას" ლა ლიგაში ექვსჯერ დაუპირისპირდა და ხუთი გოლი გაუტანა. რონალდუმ "ღამურების" სტადიონზე მხოლოდ ორ შეხვედრაში ვერ შეძლო გოლის გატანა: 2010/11 და 2015/16 წლების სეზონში...

მაგრამ რონალდუს "მესტალიაზე" არამხოლოდ "ვალენსიას" კარი აქვს დალაშქრული: 2011 წლის 20 აპრილს პორტუგალიელმა "რეალის" ფეხბურთელის რანგში პირველი მნიშვნელოვანი ტიტული, სამეფო თასი მოიგო. თასის ფინალის 102-ე წუთზე კრიშტიანუმ ანხელ დი მარიას გადაცემა გოლად გარდაქმნა და "რეალს" "ბარსელონას" დამარცხებაში დაეხმარა.

თუ BBC-ს ტრიოში მყოფ კიდევ ორ ფეხბურთელზე ვისაუბრებთ, ბენზემამ "მესტალიაზე" ჩატარებულ ექვს მატჩში სამი გოლი გაიტანა, ბეილს კი ორ შეხვედრაში ჯერჯერობით მხოლოდ ერთი გოლი აქვს გატანილი. უელსელმა "ვალენსიას" გასვლით მატჩში გასულ სეზონში გაუტანა, შეხვედრა კი 2:2 დასრულდა.

თუმცა, გულშემატკივრებს ბეილის მიერ "მესტალიაზე" გატანილი კიდევ ერთი გოლი ახსოვთ, როცა უელსელმა სამეფო თასის ფინალში 85-ე წუთზე "ბარსელონას" ბრწყინვალე გოლი გაუტანა და "სამეფო კლუბს" თასი მოაგებინა.
სტატიის რეიტინგი:
  
ძვირფასო სტუმარო, თქვენ შემოხვედით როგორც დაურეგისტრირებელი მომხარებელი. ჩვენ გირჩევთ გაიაროთ რეგისტრაცია, თუ უკვე რეგისტრირებული მომხარებელი ხართ, გთხოვთ გაიაროთ ავტორიზაცია.

ინფორმაცია

ჯგუფ სტუმარი-ის წევრებს არ აქვთ კომენტარის დატოვების უფლება.