» » მსაჯის სადავო გადაწყვეტილებები "ელ კლასიკოში"
ინფორმაცია სტატიაზე
  • ნახვა: 1102
  • ავტორი: ZZ
  • თარიღი: 26-04-2017, 14:54
26-04-2017, 14:54

მსაჯის სადავო გადაწყვეტილებები "ელ კლასიკოში"

კატეგორია: სიახლეები, ლა ლიგა, ბლოგი

მსაჯის სადავო გადაწყვეტილებები "ელ კლასიკოში"
კვირას გამართულ "ელ კლასიკოში" ერნანდეს ერნანდესისა და მისი სამსაჯო ბრიგადის მუშაობა დიდი ხნის განმავლობაში განხილვის საგანი იქნება. სწორედ ამიტომ Marca მსაჯის ხუთ სადავო გადაწყვეტილებას განიხილავს...

• რამოსის გაძევება

78-ე წუთზე "რეალი" რამოსის გაძევების შემდეგ მინდორზე ათი კაცით დარჩა.

ყოფილმა არბიტრმა ხუან ანდუხარ ოლივერმა ამ ეპიზოდს შემდეგი კომენტარი გაუკეთა:

"ეს მესის წინააღმდეგ სახიფათო ჯარიმა იყო. რამოსი მეტოქისკენ გაშლილი ფეხებით წავიდა. ეჭვგარეშეა, რომ აქ წითელი ბარათი იყო".

• კაზემიროს არგაძევება

"ბარსელონას" ფეხბურთელები პირველ ტაიმში კაზემიროს გაძევებას ითხოვდნენ.

"მატჩის მე-12 წუთზე ფეხბურთელი მესის წინააღმდეგ წესების დარღვევისთვის პირველ ყვითელ ბარათს იღებს. იქ ყვითელი ნამდვილად დამსახურებული იყო. 45-ე წუთზე ბრაზილიელს ისევ მესის წინააღმდეგ წესების დარღვევისთვის და მეტოქის კონტრშეტევის ჩაშლისთვის მეორე ყვითელი უნდა მიეღო. ერნანდეს ერნანდესი შეცდა. მას კაზემირო უნდა გაეძევებინა" - განაცხადა ანდუხარ ოლივერმა.

• მარსელოს არგაძევება

მე-20 წუთზე მესი მარსელოსთან შეჯახების შემდეგ გაზონზე დაეცა.

"ბრაზილიელმა ახტომისას იდაყვი გამოიყენა. ერნანდეს ერნანდესს ფეხბურთელის გაძევება თავისუფლად შეეძლო იმის გათვალისწინებით, თუ რა რაოდენობის სისხლი წამოვიდა არგენტინელის პირიდან ამ ეპიზოდის შემდეგ" - აღნიშნა ანდუხარ ოლივერმა.

• კაზემიროს გოლი

28-ე წუთზე კაზემირომ რამოსის დარტყმის შემდეგ ანგარიში გახსნა. ანდუხარ ოლივერის აზრით, მარსელოს გამჭოლი გადაცემის შემდეგ რამოსი თამაშგარეში არ იმყოფებოდა. ამიტომ, გოლი სამართლიანად ჩაითვალა.

• შესაძლო პენალტი რონალდუზე

მატჩის მეორე წუთზე უმტიტი თავის საჯარიმოში რონალდუს წამოედო და ამ სიტუაციაში მსაჯმა სწორი გადაწყვეტილება მიიღო, რადგან პენალტის დასანიშნად არასაკმარისი კონტაქტი იყო.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.