მოგეხსენებათ, მადრიდის "რეალი" ინტერესს გამოთქვამს ედინსონ კავანის მიმართ. თუმცა, ფეხბურთელის აგენტმა კლაუდიო ანელუჩიმ განაცხადა, რომ მისი კლიენტი არ აპირებს "ნაპოლის" დატოვებას.

ბოლო დროს "რეალის" კონკურენტი კავანისთვის ბრძოლაში ლონდონის "ჩელსიც" გახდა. ანდრე ვილაშ–ბოაში მზად იყო 48 მლნ. ევრო გადაეხადა ურუგვაელ ფორვარდში, მაგრამ კავანი სერია ა–ში რჩება.

"გავრცელებული ხმები არ გვაღელვებს. ასეთი რამ ყველა ფეხბურთელის ირგვლივ ხდება. კავანიმ თქვა, რომ "ნაპოლიში" დარჩენა სურს. ამიტომ, სანერვიულო არაფერია" – განაცხადა ანელუჩიმ.


ინფორმაციის წყარო: Eurosport.com

ავტორი - Faqo Oo