» » ბეილმა "რეალის" მაისურით 150-ე მატჩი ჩაატარა
ინფორმაცია სტატიაზე
  • ნახვა: 156
  • ავტორი: ZZ
  • თარიღი: 5-06-2017, 00:37
5-06-2017, 00:37

ბეილმა "რეალის" მაისურით 150-ე მატჩი ჩაატარა

კატეგორია: სიახლეები, ოფიციალური

ბეილმა "რეალის" მაისურით 150-ე მატჩი ჩაატარა
გარეთ ბეილს კარდიფში განსაკუთრებული საღამო ჰქონდა. მან თავის სამშობლოში ჩემპიონთა ლიგა მოიგო, კარიერაში ევროპის ყველაზე პრესტიჟულ საკლუბო ტურნირს მესამედ დაეუფლა და "რეალის" მაისურით 150-ე მატჩი ჩაატარა. ბეილი მინდორზე 77-ე წუთზე ქარიმ ბენზემას ნაცვლად შევიდა...

"მილენიუმ სთედიუმზე" მოპოვებული გამარჯვების შემდეგ, ბეილმა ჟურნალისტებთან კომენტარი გააკეთა: "ეს საოცარი სტადიონია. ამ ქალაქმა წარმატება მოგვიტანა. რთული სეზონი იყო. ბევრს ვმუშაობდი და დამიფასდა. ისტორია შევქმენით. დუოდესიმას მოგებით ძალიან გახარებული ვარ. ვიცოდით, რომ რთული მატჩი გველოდა, შესვენების შემდეგ კი თავდაჯერებულები ვიყავით".

ბეილმა "რეალის" მაისურით პირველი ოფიციალური მატჩი 2013 წლის 14 სექტემბერს "ელ მადრიგალზე" "ვილიარეალის" წინააღმდეგ ჩაატარა. უელსელის მიერ ჩატარებული მატჩების რაოდენობა ექვს ტურნირზე გადანაწილდა: 100 ლა ლიგაში, 38 ჩემპიონთა ლიგაზე, 7 სამეფო თასზე, 2 მსოფლიო საკლუბო ჩემპიონატზე, 2 ესპანეთის სუპერთასზე და 1 ევროპის სუპერთასზე. ამ დროის განმავლობაში გარეთმა აქტივში 67 გოლი და 106 გამარჯვება ჩაიწერა.

ამ ოთხი სეზონის განმავლობაში ბეილმა "რეალთან" ერთად 3 ჩემპიონთა ლიგა, 2 ევროპის სუპერთასი, 2 მსოფლიო საკლუბო ჩემპიონატი, 1 ლა ლიგა და 1 სამეფო თასი მოიგო.
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.