რეგისტრაცია შესვლა
საიტზე შესვლა
Качественные бесплатные шаблоны dle скачать с сайта
ბოლო მატჩები
» » პერესი ტეო ერნანდესს: "გილოცავ, რადგან უკვე "რეალის" ფეხბურთელი ხარ"

პერესი ტეო ერნანდესს: "გილოცავ, რადგან უკვე "რეალის" ფეხბურთელი ხარ"

11-07-2017, 15:06
ავტორი: ZZ
ნახვა: 504
კომენტარი: 0
საბეჭდი ვერსია
პერესი ტეო ერნანდესს: "გილოცავ, რადგან უკვე "რეალის" ფეხბურთელი ხარ"
გუშინ, "სანტიაგო ბერნაბეუზე" ტეო ერნანდესის პრეზენტაცია გაიმართა...

პრეზენტაციის დროს სიტყვით გამოვიდა მადრიდის "რეალის" პრეზიდენტი ფლორენტინო პერესი, დასასრულს კი ტეოს 15-ნომრიანი მაისური გადასცა.

"გილოცავ, რადგან უკვე "რეალის" ფეხბურთელი ხარ. შენ ეს საკუთარი ტალანტის და ბრძოლისუნარიანობის წყალობით მოახერხე".

"შენ სწორედ ამ გერბის დაცვა გსურდა, მიუხედავად იმისა, რომ შენი გადაბირებით სხვა ევროპული გრანდებიც ინტერესდებოდნენ. მადრიდისტები შენს სიმტკიცეს და რწმენას არასდროს დაივიწყებენ. შენ ლა ლიგის ერთ-ერთი აღმოჩენა იყავი და დაამტკიცე, რომ საკმაოდ პერსპექტიული, ნიჭიერი, ძლიერი და გაბედული ხარ, რათა "რეალში" ითამაშო".

"ეს გულშემატკივრები ყოველთვის შენს გვერდით იქნებიან, რადგან ვიცით, რომ ყოველ მატჩში გამარჯვებისთვის იბრძვი. გადმოდიხარ იმ კლუბში, რომელსაც 12 ევროპის თასი აქვს და ისტორიაში ყველაზე დიდი კლუბის ნაწილი ხდები. ვიცი, რომ ამ გერბისთვის და შენი ოჯახისთვის ბოლომდე დაიხარჯები".

"შენ ყველაფერი გააკეთე იმისათვის, რომ ამ კლუბის მაისური მოგერგო და დარწმუნებული ვარ, ამ მაისურით უამრავ ტიტულს მოიგებ. დღეს იქ ხარ, სადაც თავად გსურდა და "რეალში" დიდებული დღეები გელოდება. გულით გიხდი მადლობას იმისათვის, რომ გსურდა საკუთარი ოცნებები გულშემატკივრებთან ერთად გაგეზიარებინა და ისტორიის წერა უკვე ჩვენთან ერთად გაგეგრძელებინა".


ტეო ერნანდესი

"პრეზიდენტს, კლუბს და გულშემატკივრებს დახვედრისთვის მადლობას ვუხდი. მიხარია, რომ მსოფლიოს საუკეთესო კლუბის ნაწილი გავხდი. აქ იმისათვის მოვედი, რომ საუკეთესოებისგან ვისწავლო და ერთად უამრავი ტიტული მოვიგოთ. ყველას მადლობა და Hala Madrid!".
სტატიის რეიტინგი:
  
ძვირფასო სტუმარო, თქვენ შემოხვედით როგორც დაურეგისტრირებელი მომხარებელი. ჩვენ გირჩევთ გაიაროთ რეგისტრაცია, თუ უკვე რეგისტრირებული მომხარებელი ხართ, გთხოვთ გაიაროთ ავტორიზაცია.

ინფორმაცია

ჯგუფ სტუმარი-ის წევრებს არ აქვთ კომენტარის დატოვების უფლება.