რეგისტრაცია შესვლა
საიტზე შესვლა
Качественные бесплатные шаблоны dle скачать с сайта
ბოლო მატჩები
» » "რეალმა" ალვარო ოდრიოსოლასადმი ინტერესი გაზარდა

"რეალმა" ალვარო ოდრიოსოლასადმი ინტერესი გაზარდა

12-07-2017, 23:57
ავტორი: ZZ
ნახვა: 497
კომენტარი: 0
საბეჭდი ვერსია
"რეალმა" ალვარო ოდრიოსოლასადმი ინტერესი გაზარდა
Cadena SER-ის ინფორმაციით, მადრიდის "რეალი" "რეალ სოსიედადის" და ესპანეთის ახალგაზრდული ნაკრების მარჯვენა მცველ ალვარო ოდრიოსოლას გადაბირებით ინტერესდება. ზინედინ ზიდანი ოდრიოსოლას დანილოს შემცვლელად მოიაზრებს, რომელიც დიდი ალბათობით ამ ზაფხულს "ჩელსის" ფეხბურთელი გახდება...

ახალი კონტრაქტი, რომელიც ფეხბურთელმა 10 ივნისს გააფორმა, მას "რეალ სოსიედადთან" 2022 წლამდე აკავშირებს, ხოლო კონტრაქტის გაწყვეტის შემთხვევაში გამოსასყიდი თანხა 40 მლნ. ევროა. "რეალი" ამ თანხის გადასახდელად მზად არ არის და იმედს იტოვებს, რომ მოლაპარაკებების დროს ბასკური კლუბი კომპრომისზე წავა.

ალვარო ოდრიოსოლამ კლუბთან კონტრაქტი 21-წლამდელთა ევროპის ჩემპიონატის დაწყებამდე გაახანგრძლივა. მან ესპანეთის ახალგაზრდულ ნაკრებში ჯგუფური ეტაპის პირველ ტურში სერბეთთან ითამაშა, ხოლო ამხანაგურ მატჩებში დანიასა და იტალიასთან შეხვედრებში გამოჩნდა მინდორზე. დანიელებთან მატჩში ოდრიოსოლამ თავი ორი საგოლე გადაცემით გამოიჩინა.

ალვარომ გასულ სეზონში "რეალ სოსიედადის" მაისურით ჩატარებულ 38 მატჩში 9 გოლი გაიტანა.

"რეალის" ახალი პოლიტიკა ესპანიზაციას და შემადგენლობის გაახალგაზრდავებას ემსახურება. აქედან გამომდინარე, 21 წლის ოდრიოსოლა მადრიდული გრანდისთვის სასურველი კანდიდატია. ამ დროისათვის ფლორენტინო პერესმა შემადგენლობა რამდენიმე ესპანელით დააკომპლექტა. გუნდში მარკო ასენსიო, მარკოს ლიორენტე და ხესუს ვალიეხო არიან. მალე მათ დანი სებალიოსიც შეუერთდება.

ოდრიოსოლა "რეალში" დანი კარვახალის დუბლიორი იქნება, მაგრამ იმის გათვალისწინებით, რომ ზინედინ ზიდანი როტაციების მოყვარულია, დიდია იმის ალბათობა, რომ ალვარო ბევრ სათამაშო დროს მიიღებს.
სტატიის რეიტინგი:
  
ძვირფასო სტუმარო, თქვენ შემოხვედით როგორც დაურეგისტრირებელი მომხარებელი. ჩვენ გირჩევთ გაიაროთ რეგისტრაცია, თუ უკვე რეგისტრირებული მომხარებელი ხართ, გთხოვთ გაიაროთ ავტორიზაცია.

ინფორმაცია

ჯგუფ სტუმარი-ის წევრებს არ აქვთ კომენტარის დატოვების უფლება.