"თეთრები" ეცდებიან ლა ლიგაში მე-17 გამარჯვება მოიპოვონ.

"რეალისთვის" ლა ლიგის მეორე წრე "სარაგოსასთან" მატჩით იწყება, რომელიც "სანტიაგო ბერნაბეუზე" გაიმართება. "სამეფო კლუბი" სატურნირო ცხრილში ხუთი ქულით უსწრებს "ბარსელონას" და საკუთარ არენაზე უამრავ გოლს უტანს მეტოქეებს.

ჟოზე მოურინიოს გუნდს ყველაზე მეტი მოგება (16) და გოლი (67) აქვს გატანილი. კრიშტიანუ რონალდუმ ამაში უდიდესი წვლილი შეიტანა. მის ანგარიშზე ლა ლიგაში 23 გოლია.



"რეალი" ერთადერთი გუნდია ლა ლიგაში, რომელმაც ყველა საშინაო მატჩში მოახერხა გოლის გატანა. პირველ წრეში "სამეფო კლუბმა" სტუმრად 0:6 მოუგო "სარაგოსას". დღევანდელი მატჩი განსაკუთრებული იქნება გონსალო იგუაინისთვის, რომელსაც ხუთი წლის წინ, სწორედ "სარაგოსასთან" ჰქონდა დებიუტი "რეალის" რიგებში.

ჟოზე მოურინიომ დღევანდელი მატჩისთვის განაცხადში 21 ფეხბურთელი შეიყვანა. მასში "კასტილიელი" გოლკიპერი ხესუსიც მოხვდა, ხოლო ხედირა და დი მარია ტრავმების გამო დააკლდებიან გუნდს.

"სარაგოსა" სატურნირო ცხრილში ბოლო ადგილზეა 12 ქულით. მათ ბოლო 12 თამაშია არ მოუგიათ, ბოლო 3 მატჩში კი მხოლოდ 1 გოლი გაიტანეს. მატეოსი, ანტონიო ტომასი და ფერნანდო მეირა გამოტოვებენ დღევანდელ მატჩს.



ინფორმაციის წყარო: Realmadrid.com

ავტორი - Faqo Oo