ცოტას თუ შეუძლია ისე გაიგოს ნური შაჰინის სიტუაცია "რეალში", როგორც კრისტოფ მეტცელდერს, რომელიც თავის დროზე "სამეფო კლუბის" რიგებში ასპარეზობდა, მაგრამ ამა თუ იმ მიზეზის გამო, იქ მხოლოდ 30 მატჩი ჩაატარა.

მეტცელდერი ჟურნალისტებს დაუკავშირდა, შაჰინის სიტუაციას გაუკეთა კომენტარი და მას დიდი წარმატებები უსურვა მადრიდულ კლუბში.

შაჰინის ისტორია "რეალში" თქვენს კარიერას მაგონებს, სადაც 3 სეზონში მხოლოდ 30 მატჩი ჩაატარეთ...

ნურის "ბორუსიას" კანტერიდან კარგად ვიცნობ. მას ცოტათი სისწრაფე აკლია, მაგრამ ის ბრწყინვალე ფეხბურთელია. ხედირას გვერდით, რომელიც ძალიან ბევრს დარბის, ის მოხერხებულად იქნება.

ის ჰგავს ჩაბი ალონსოს?

ის მოედანზე ისეთივე სტრატეგი არაა, როგორიც ჩაბი. ის უფრო იოზილს ჰგავს, მაგრამ უფრო სიღრმეში თამაშობს.

ის შეძლებს "რეალში" წარმატების მიღწევას?

როცა გადადიხარ "რეალში" და არ ხარ მზად, გუნდი ათი მატჩიდან ცხრას იგებს და ჩანს, რომ ამ კლუბში არავინ აპირებს შენზე ლოდინს. აქ თავიდანვე მზად უნდა იყო. ვფიქრობ, მას გაუჭირდება.

როგორც თავის დროზე თქვენ...

მე სტაბილურობა მაკლდა არამხოლოდ ტრავმის, არამედ უდიდესი კონკურენციის გამო. ზოგიერთ მომენტში, კლუბისა და მწვრთნელის ნდობას ვერ ვხედავდი.

შუსტერის?

იმისათვის, რათა "რეალში" წარმატებას მიაღწიო, მხოლოდ კარგი ფეხბურთელობა არაა საკმარისი. უნდა იყო ვარსკვლავი, რადგან კლუბი შენში დიდ თანხას იხდის.

თქვენ ხომ უფასოდ გადაბარგდით...

სწორედ ეს არ იყო უპირატესობა.

არ გრძნობდით მხარდაჭერას?

ეს მეტად მნიშვნელოვანი ფაქტორია. მაგალითად, სამი ტიპიური გერმანელი ფეხბურთელია, ფლობს ფიზიკურ სიძლიერეს და ამასთან ერთად, ჟოზე მოურინიოს ნდობაც აქვს. სწორედ ამიტომ გაიარა მან სწრაფად ადაპტაცია.

დიახ, ეს ის ფეხბურთელია, რომლის შეძენაც პირადად მწვრთნელმა მოითხოვა...

სწორედ. მე ნაწილობრივ კაპელოსა და შუსტერს შორის ჩავიკარგე.

"რეალი" ნამდვილად იყო ცენტრალური მცველების გამანადგურებელი?

"სამეფო კლუბში" თამაში დიდად გამოირჩეოდა სხვა გუნდში თამაშისგან. მოურინიოს დროს ყველაფერი შეიცვალა.


ინფორმაციის წყარო: As.com

ავტორი - Faqo Oo