დიდი შანსია, ჟოზე მოურინიოს წასვლის შემდეგ, მადრიდის "რეალს" სათავეში "ესპანიოლის" ამჟამინდელი თავკაცი, მაურისიო პოჩეტინო ჩაუდგეს.

"Punto Pelota"–ს გადაცემის წამყვან, ჟოზეფ პენდრეროლის თქმით, დიდი ალბათობაა იმისა, მაურისიო პოჩეტინომ "რეალის" მწვრთნელის პოსტზე, ჟოზე მოურინიო ჩაანაცვლოს.

ყველაფერი წინა კვირეებში დაიწყო, როცა პრესაში დაიწერა, რომ ჟოზე მოურინიოსა და ფეხბურთელებს შორის ცუდი ურთიერთობაა და პორტუგალიელი სეზონის ბოლოს კლუბს დატოვებს.

პოჩეტინოს კარიერა მოკლეა, მაგრამ ნაყოფიერი. არგენტინელმა მწვრთნელის ლიცენზია 2008 წელს მიიღო და მაშინვე "ესპანიოლის" ქალთა გუნდს ჩაუდგა სათავეში. თუმცა, ერთი წლის შემდეგ, ის გაათავისუფლეს და უკვე "ესპანიოლის" კაცთა გუნდის მწვრთნელი გახდა. შემდეგ კატალონიელთა პროგრესი სახეზე იყო. 2010/11 წლების სეზონი, პოჩეტინოს გუნდმა მე–8 ადგილზე დაასრულა. ამჟამად გუნდი მე–5 ადგილზეა და მე–4 ადგილოსან "ლევანტესთან" ერთად, თანაბარი ქულები აქვს.


ინფორმაციის წყარო: As.com

ავტორი - Faqo Oo