ესპანური ტაბლოიდის "El Confidencial"–ის ცნობით, ნური შაჰინი "ლევანტესთან" სათამაშო დროს მიიღებს.

სამწუხაროდ, ნური შაჰინი მადრიდის "რეალის" ზაფხულში განხორციელებული ტრანსფერებიდან, ფიასკოა. თურქი აქ გადმოვიდა, როგორც ევროპის ერთ–ერთი ყველაზე პერსპექტიული ფეხბურთელი, ხოლო შემდეგ თადარიგის ფეხბურთელი გახდა, რომელიც მხოლოდ "დღესასწაულებზე" თამაშობს. მიუხედავად მოურინიოს ნათქვამისა, რომ შაჰინს აუცილებლად ესაჭიროება სათამაშო დრო, ბევრი დარწმუნებულია, რომ ნური განწირულია.

"El Confidencial"–ის ცნობით, მოურინიო ნურის "ლევანტესთან" თამაშის შანსს მისცემს. ჯერჯერობით უცნობია, თურქი სასტარტოდან გამოვა, თუ შეცვლაზე ითამაშებს, მაგრამ ესპანური პრესის განცხადებით, შაჰინი ითამაშებს.

შაჰინი კონკურენციას აგებს

ესტებან გრანერო, რომელიც ზამთარში გუნდიდან წასვლის კანდიდატი იყო, შაჰინზე მეტ სათამაშო დროს იღებს. მოუ უფრო მეტ ნდობას უცხადებს ესპანელს, ვიდრე თურქს, რომელსაც სათამაშო დრო ესაჭიროება. გარდა ამისა, ძალიან ხშირად ალონსოსთან წყვილში ლასი თამაშობს, ხედირაზე აღარ ვსაუბრობთ. თავად ჩაბი პრაქტიკულად ყველა მატჩში თამაშობს და მისი შემადგენლობიდან ამოგდება თურქს ძალიან გაუჭირდება.

"ლევანტესა" და "რასინგთან" მატჩებში, შაჰინი თამაშის შანსს მიიღებს და აუცილებლად უნდა გამოიყენოს.


ინფორმაციის წყარო: El Confidencial

ავტორი - Faqo Oo