კრიშტიანუ რონალდუს დიდებული ეფექტურობა, უფრო ზუსტად კი ლა ლიგის 22 მატჩში 27 გოლი, ჟურნალისტებს საფიქრალში აგდებს, თუ რამდენი გოლით დაასრულებს პორტუგალიელი სეზონს.

Marca-მ კრიშტიანუს გოლების პროცენტი გამოთვალა თითო მატჩში და დაადგინა, რომ მას სეზონის 47 გოლით დასრულება შეუძლია.

რონალდუ ყველაფერს გააკეთებს, რათა გასულ სეზონში გატანილი 41–გოლიანი რეკორდი უფრო გააუმჯობესოს.

როგორც Marca-ზე წერია, კრიშტიანუს შეუძლია პრიმერას ყველა დროის რეკორდის დამხობა.

აღსანიშნავია, რომ 2006/07 წლების სეზონში, რუუდ ვან ნისტელროისთვის 37 მატჩში 25 გოლიც საკმარისი გამოდგა "პიჩიჩის" ტიტულის მოსაგებად. CR7-მა უკვე ამაზე მეტი გოლი გაიტანა.

გარდა ამისა, თუ რონალდუ "პიჩიჩის" ისევ მოიგებს, მას შანსი ექნება ლეგენდარულ უგო სანჩესს დაეწიოს, რომელსაც ასეთი ტიტული უკვე ზედიზედ 4–ჯერ აქვს მოგებული (84–85, 85–86, 86–87, 87–88).


ინფორმაციის წყარო: Marca.com

ავტორი - Faqo Oo