გუნდი, რომელსაც ვერასდროს ვერ დაივიწყებ მსოფლიოში მხოლოდ ერთია- მადრიდის "რეალი". გუნდი, რომელთან ერთადაც განიცდი სიხარულს და ტკვილს. გუნდი, რომელიც შენთვის ყველაზე ძვირფასია მსოფლიოში. ყოველთვის უნდა ამაყობდე იმით, რომ შენ მადრიდისტა ხარ. არ აქვს მნიშვნელობა ეს ფანობა რონალდუს თუ სხვა ფეხბურთელისგანაა გამოწვეული, მთავარია მხოლოდ ერთია გრძნობა, რომელიც ყველაფერს გაგაკეთებინებს. უბრალოდ ცოტათი რომ დაფიქრდე, მიხვდები, როგორი და რა დიდებული ფეხბურთელები თამაშობდნენ, თამაშობენ და ითამაშებენ შენს საყვარელ გუნდში. სადაც არ უნდა წახვიდე, რაზეც არ უნდა იფიქრო, შენს გრძნობებსა თუ ოცნებებში მუდამ მოიძებნება ადგილი, სადაც მადრიდის "რეალის" სახელია ნახსენები.



თითოეული ადამიანის ცხოვრებაში არის ისეთი მომენტი ან მომენტები, რომელიც არასდროს არ დაგავიწყდება. რა თქმა უნდა ამ გასაოცარ წუთებში ერთ-ერთი მათგანი მადრიდის "რეალია". არცერთ მადრიდისტას არასდროს არ დაავიწყდება ის წუთები, რომელიც მან "თეთრებთან" ერთად განიცადა. მადრიდის "რეალი" არის შენი ოცნება, ფიქრები, გრძნობები ყველა ძვირფასი რამ მსოფლიოში. მას შეუძლია გული გატკინოს ისე, როგორც არავის, ასევე მას შეუძლია ისე გაგახაროს, როგორც არავინ. მაგრამ რაც არ უნდა მოხდეს იცი, რომ შენ მუდამ მასთან დარჩები. "ბლანკოსი" არის შენი ერთ-ერთი ოჯახის წევრი, რომელსაც მართალია ვერ ესაუბრები, ვერ აძლევ რჩევებს, მაგრამ შენ მას მუდამ ადევნებ თვალს, გიყვარს ისე, როგორც ადამიანი. ეს ის გრძნობაა, რომელსაც ვერცერთი ადამინია ან მეცნიერი ვერასდროს ვერ ახსნის.



რასაც არ უნდა აკეთებდე ან რა საქმეც არ უნდა გქონდეს, როდესაც დაინახავ, რომ ვიღაც შენს გუნდს ლანძღავს ან არ აფასებს მაშინვე მის დაცვას იწყებ, თითქოს ის იყოს შენი შვილი ან ნათესავი, რომელიც პატარაა და ჯერ არ შეუძლია თავისით დაიცვას თავი. ერთ-ერთი მიზეზი, თუ რატომ დავიბადეთ ისაა, რომ "ბლანკოსი" გვენახა. ეს ხომ, ერთი ნახვით შეყვარებას ჰგავს. რა მოხდებოდა 1902 წელს არ დაარსებულიყო მადრიდის "რეალი" ? იქნებ ბევრ მადრიდისტას ფეხბურთი არ შეგვყვარებოდა ? ან საერთოდ "ბარსელონას" ფანები გავმხდარიყავით ? მაგრამ რაც არ უნდა მომხდარიყო ასეთ სიხარულს ვერცერთ გუნდი ვერ გვაჩუქებდა.



მსოფლიოში არ მოიძებნება ადამიანი, ვისაც ოცნება არ აქვს. ბევრი ადამიანის ოცნება განსხვავებულია და ძნელია გამოიცნო რა უნდა მათ, მაგრამ ყველა მადრიდისტას გვავს ერთი ოცნება- ვნახოთ "სანტიაგო ბერნაბეუ". ამ გასაოცარ არენაზე ვნახავთ ჩვენი საყვარელი გუნდის თამაშს და ამჯერად სახლის ნაცვლად სტადიონიდან დავუჭერთ მხარს "ბლანკოსს". შეიძლება ბევრი მადრიდისტა უკვე ნამყოფია იქ, მაგრამ უმეტესი ნაწილი სამწუხაროდ არა. თუმცა რაც არ უნდა იყოს ფაქტი ერთია, როდესაც იქ დადგამ ფეხს მსოფლიოში ყველაზე, თუ არა ერთ-ერთი უბედნიერესი ადამიანი იქნები და ის წუთები სიკვდილის მერეც გაგყვება. შეიძლება ჩვენ ამას ვერ ვგრძნობთ, მაგრამ როდესაც შენი გუნდის გერბს, თამაშს უყურებ ხალისდები და ძალა გემატება. ეს ნამდვილი საოცრებაა.



შეიძლება, უკვე მოგაბეზრეთ ამდენი ლაპარაკით თავი, ამიტომ დასასრულისკენ წავალ. ამ სტატიით მინდა, რომ იგრძნოთ, თუ რა საამაყოა, როდესაც მადრიდის "რეალის" გულშემატკივარი ხარ და ეს გრძნობა ბოლომდე გაგყვეთ. ცუდია, როდესაც შენი გუნდი მარცხდება და მაშინ ცხელ გულზე სისულეებსაც ვამბობთ, მაგრამ შემდეგ, როდესაც ყველაფერი ჩაივლის ისევ ისე გიყვარს "რეალი". ეს ერთგვარი სენია, რომელსაც რაც არ უნდა მოხდეს ვერასდროს ვერ მოიშორებ. საბედნიეროდ გუნდს ახლა კარგი სეზონი უდგას და ლამაზ ფეხბურთს თამაშობს, მაგრამ დარჩა ერთი ვიღაც, ვინც საბოლოოდ უნდა დაბრუნდეს თავის ადგილზე! ერთი სიტყვით, მადრიდის "რეალი" არის სენი, რომელიც შენთვის მსოფლიოში ყველაზე ძვირფასია.

ავტორი - we love madrid