ზაფხულში შესაძლოა მადრიდის "რეალი" სამმა ფეხბურთელმა დატოვოს.

ამჟამად გუნდში არის სამი ფეხბურთელი, რომლებმაც შესაძლოა "სამეფო კლუბი" ზაფხულში დატოვონ. ესტებან გრანეროს, რაულ ალბიოლსა და ლასანა დიარას, თავიანთი მიზეზები აქვთ.

ლასანა დიარა

ხედირა მწყობრში ჩადგა. ეს იმას ნიშნავს, რომ ლასი შესაძლოა, სათადარიგოთა სკამს დაუბრუნდეს. ფრანგი ამ სეზონში ბევრს თამაშობს, მაგრამ ხშირად იღებს ტრავმებს და როცა ხედირა მწყობრშია, სწორედ ის თამაშობს და არა დიარა. ამასთან ერთად, მის კონტრაქტს ვადა წელიწადნახევარში გასდის. როგორც ჩანს, "რეალი" არ აპირებს მის გახანგრძლივებას.

ესტებან გრანერო

ესპანელმაც შესაძლოა დატოვოს მადრიდი. თუ ნური შაჰინი იმ თამაშის ჩვენებას დაიწყებს, რასაც მისგან ელიან, მაშინ გრანეროს ადგილი სათადარიგოთა სკამზეც არ დარჩება. მიუხედავად იმისა, რომ ბოლო დროს ხშირად გამოდის სასტარტო შემადგენლობაში, მაინც თადარიგის ფეხბურთელად რჩება.

რაულ ალბიოლი

ალბიოლის სიტუაცია სულ სხვაგვარია. ის აბსოლუტურად არ თამაშობს. ბოლო მატჩი, რომელიც მან ჩაატარა, 2012 წლის 3 იანვრით თარიღდება, როცა "რეალი" "მალაგასთან" თამაშობდა. თუ სასწაული არ მოხდა, ესპანელი ნამდვილად დატოვებს ჟოზე მოურინიოს გუნდს.


ინფორმაციის წყარო: Fichajes.net

ავტორი - Faqo Oo