როგორც იტალიაში აცხადებენ, "ნაპოლის" მცველმა, ფედერიკო ფერნანდესმა შესაძლოა, კარიერა მადრიდის "რეალში" განაგრძოს.

მიუხედავად იმისა, რომ "რეალის" დაცვა ასე თუ ისე დალაგდა, განსაკუთრებით სერხიო რამოსის ცენტრში გადასვლით, მადრიდელები მაინც ეძებენ დაცვის გაძლიერების ვარიანტებს, რადგან სეზონის ბოლოს გუნდს რიკარდუ კარვალიუ დატოვებს.

იტალიაში გავრცელებული ინფორმაციით, "რეალი" "ნაპოლის" მცველ, ფედერიკო ფერნანდესით ინტერესდება. 22 წლის ასაკში, ის უკვე გამოძახებულია არგენტინის ნაკრებში (5 მატჩი და 1 გოლი). მისმა დამაჯერებელმა თამაშმა, მრავალი ტოპ–კლუბის ყურადღება მიიპყრო. განსაკუთრებით ის თავისი ფიზიკური სიძლიერით გამოირჩევა – 190 სმ და 83 კგ.


ინფორმაციის წყარო: AS.com

ავტორი - Faqo Oo