არგენტინის ნაკრების ყოფილმა თავკაცმა, დიეგო არმანდო მარადონამ, ჟოზე მოურინიოსა და პეპ გვარდიოლაზე ისაუბრა.

"ქედს ვიხრი მოურინიოს, როგორც ადამიანის, მწვრთნელის და ფსიქოლოგის წინაშე. ჩემთვის ის მსოფლიოში საუკეთესოა. ჟოზეს შეუძლია უმაქნისი იხვის ჭუკისგან დიდებული გედი შექმნას. სწორედ ამიტომ ვცემ მას დიდ პატივს. მასზე შეყვარებული არ ვარ, მაგრამ გამორჩეული ადამიანია" – განაცხადა მარადონამ.

გვარდიოლას შესახებ დიეგომ განაცხადა: "პეპი ჩინებული პიროვნებაა. შესაძლოა, მას არ აქვს იმდენი დამსახურება, რაც მოურინიოს, რადგან მის განკარგულებაში მსოფლიოს საუკეთესო ფეხბურთელები არიან. თუმცა, არ დაგვავიწყდეს, რომ პეპი ძალიან ახალგაზრდაა და წინ მრავალწლიანი კარიერა ელის".


ინფორმაციის წყარო: Marca.com

ავტორი - Faqo Oo