რეგისტრაცია შესვლა
საიტზე შესვლა
Качественные бесплатные шаблоны dle скачать с сайта
» » ზიზუ - 2 წელიწადი "რეალის" მთავარი მწვრთნელის რანგში

ზიზუ - 2 წელიწადი "რეალის" მთავარი მწვრთნელის რანგში

4-01-2018, 21:52
ავტორი: ZZ
ნახვა: 128
კომენტარი: 0
საბეჭდი ვერსია
ზიზუ - 2 წელიწადი "რეალის" მთავარი მწვრთნელის რანგში
2016 წლის 4 იანვარს ზინედინ ზიდანი მადრიდის "რეალის" მთავარი მწვრთნელის რანგში იქნა წარდგენილი, ხოლო ორი წლის შემდეგ ის "სამეფო კლუბის" ისტორიაში ყველაზე ტიტულოვანი მწვრთნელების სიაშია...

ფრანგმა სპეციალისტმა თავის პოსტზე ბრწყინვალე შედეგებს მიაღწია. მან გასული წლის დეკემბერში მადრიდულ გრანდთან ერთად მერვე ტიტული მოიგო. "რეალს" ზიდანთან ერთად ტრიუმფალური პერიოდი აქვს. გუნდმა 2 ჩემპიონთა ლიგა, 2 მსოფლიო საკლუბო ჩემპიონატი, 2 ევროპის სუპერთასი, 1 ლა ლიგა და 1 ესპანეთის სუპერთასი მოიგო.

ცალკე ყურადღებას ზიდანის მიერ ევროპის ყველაზე პრესტიჟულ საკლუბო ტურნირზე მიღწეული წარმატებები იმსახურებს. ზიზუსთვის უნდესიმა "რეალის" მთავარი მწვრთნელის რანგში პირველი დიდი გამარჯვება იყო. მან ეს ტრიუმფი გასულ წელსაც გაიმეორა, როცა მადრიდულ გრანდს კარდიფში დუოდესიმა მოაგებინა. "რეალი" ზიდანთან ერთად პირველი გუნდი გახდა, რომელმაც ჩემპიონთა ლიგა ზედიზედ ორჯერ მოიგო.

გარდა იმისა, რომ ზინედინი დიდი ფეხბურთელი იყო, მწვრთნელობის დროსაც შეძლო სახელის მოხვეჭა. "რეალს" მისი ხელმძღვანელობით ისტორიაში ყველაზე წარმატებული წელი ჰქონდა. გუნდმა 2017 წელს ხუთი ტიტული მოიგო: ჩემპიონთა ლიგა, ლა ლიგა, ევროპის სუპერთასი, ესპანეთის სუპერთასი და მსოფლიო საკლუბო ჩემპიონატი.

ზიზუმ "რეალის" მწვრთნელის რანგში სადებიუტო შეხვედრა 2016 წლის იანვარში "დეპორტივოსთან" (5:0) ჩაატარა. მას შემდეგ გუნდმა 84 მატჩი (72%) მოიგო, 21 ფრედ დაასრულა და 11 წააგო. 306 გოლი გაიტანა და 117 გაუშვა.
სტატიის რეიტინგი:
  
ძვირფასო სტუმარო, თქვენ შემოხვედით როგორც დაურეგისტრირებელი მომხარებელი. ჩვენ გირჩევთ გაიაროთ რეგისტრაცია, თუ უკვე რეგისტრირებული მომხარებელი ხართ, გთხოვთ გაიაროთ ავტორიზაცია.

ინფორმაცია

ჯგუფ სტუმარი-ის წევრებს არ აქვთ კომენტარის დატოვების უფლება.