ფლორენტინო პერესი ნეიმარის შესაძენად ყველაფერს გააკეთებს ბრაზილიელი ვარსკვლავი ფლორენტინო პერესის მთავარი სამიზნეა და "რეალის" პრეზიდენტი მზადაა მის ტრანსფერში კრიშტიანუ რონალდუც ჩართოს. მადრიდული გრანდი 2018 წლის მსოფლიო ჩემპიონატის დასრულებას დაელოდება და ნეიმარის ტრანსფერის თაობაზე მოლაპარაკებებს ამის შემდეგ წამოიწყებს. 7 იანვარს, "ოქროს ბურთის" დაჯილდოვების ცერემონიის დასრულების შემდეგ, ფლორენტინო პერესმა განაცხადა, რომ ნეიმარს "რეალში" "ოქროს ბურთის" მოგების მეტი შანსი ექნებოდა. გარდა ამისა, მადრიდელთა პრეზიდენტი არც მალავს, რომ ბრაზილიელის შეძენა ჯერ კიდევ მაშინ სურდა, სანამ ის "ბარსელონას" შეუერთდებოდა. ამავდროულად, "პსჟ"-ს პრეზიდენტმა ნასერ ალ-ჰელაიფიმ წინა კვირაში განაცხადა, რომ ნეიმარის "რეალში" ტრანსფერი გამორიცხულია. შეგახსენებთ, რომ პარიზელებმა ბრაზილიელი გასულ ზაფხულს "ბარსელონადან" რეკორდული 222 მლნ. ევროს სანაცვლოდ შეიძინეს. თუმცა, ნეიმარისთვის პარიზულ კლუბში პირველი თვეები საკმაოდ რთული გამოდგა. ჯერ იყო და ბრაზილიელი თანაგუნდელ ედინსონ კავანის დაუპირისპირდა იმის გამო, თუ ვის უნდა შეესრულებინა პენალტი. გარდა ამისა, მას ურთიერთობა პრესასთანაც გაუფუჭდა. ნეიმარმა ჟურნალისტები დაადანაშაულა იმაში, რომ მისი პერსონის ირგვლივ დიდ ხმაურს ქმნიდნენ. მიუხედავად ამისა, ნეიმარს სეზონის დასაწყისში კარგი სტატისტიკა აქვს: მან 22 მატჩში 20 გოლი გაიტანა და 14 საგოლე გადაცემა გააკეთა. მან კავანისა და მბაპესთან ერთად მსოფლიოში ერთ-ერთი ყველაზე მრისხანე ტრიო შექმნა. 14 თებერვალს და 6 მარტს ნეიმარი "პსჟ"-სთან ერთად "რეალს" ჩემპიონთა ლიგის მერვედფინალში დაუპირისპირდება. სტატიის რეიტინგი:
|
მსგავსი სიახლეები:
ძვირფასო სტუმარო, თქვენ შემოხვედით როგორც დაურეგისტრირებელი მომხარებელი. ჩვენ გირჩევთ გაიაროთ რეგისტრაცია, თუ უკვე რეგისტრირებული მომხარებელი ხართ, გთხოვთ გაიაროთ ავტორიზაცია.
